Him Opozisyon û him jî deshilata Tirkiyê rol û bandora dengê Kurd têgihiştine

Tirkiye diçe hilbijartinek pêşwext a hestiyar. Hilbijartinên Tirkiye bi awayek yekrast bandora xwe li rastiya bakurê Kurdistanê dikin. Ji aliyê xwe ve, hest û helwêsta dengdêrên Kurd bandorek berfereh li hilbijartinên Tirkiye dike, ligor gelek zanyar û pîsporan reng dide encamên hilbijartinên Tirkiye.

Di vêçarçoveyê de Kurdistan24 dosyeyek – helwêsta Partiyên Kurdistanî-di hilbijartinê Tirkiyê de û Bandora Kurd di hilbijartinan de amade kir.

Bersîvên Mesud TEK – Serokê Giştî yê Partiya Sosyalist a Kurdistan (PSK)

Hilbijartinên pêşwext ên Tirkiye, dikarin bandorek erênî li gengeşekirina rastiya Kurd li Tirkiye û bakurê Kurdistanê bikin?

Bê guman her hilbijartin derfetek e gelek girîng e di warê xebata legalî û siyasiyê da. Dikarin bêjin ku, ligel gelek kêmasî û çewtî û xeletî, tevgera azadiya Kurdistanê ji hilbijartinan sudmend bûye û guman têda nine vê carê ji wê usa be. Tevgera siyasî û legal a Kurdistana Bakurê dikare hilijartinên pêşwext ên Tirkiyê bi kar bîne û rûye rastî a siyaseta dij-mîrovî û dij azadiya Kurdistanê ya hikumeta AK Partî eşkere bike, dikare hilbijartinên hanê bike hencetek ji bona pêşve birina xebata azadî û demokrasî û wekheviyê.

Bi kurti dikarim bêjim, bandora hilbijartinên hanê wê erêni be, him di warê gengeşî kirina pirsa Kurdistan û derxistina rûye rastî ya karbidestên Tirkiyê di warê kêşe û aloziya navçeyê Rojhilat û him jî dibe alikariyek da ku hêzên Kurdistani û demokrat û guhartinxwazên Tirkiyê nêzikê hevdu bin.

Dengên Kurdan di hilbijartinan de xwedî rolek çawa ye?

Ger hezên Kurdistana Bakur li ser bernameyeka niştimanî û demokratîk li hev bên, halwestên xwe bikine yek û bi hevra kar û xebatê bikin, rola dengên kurd di hilbijartinan da, bi taybetî di hilbijartina serokkomarî da dibe çarenussaz. Bi gor bîr û baweriya min hevkariya partî û rêxistinên Kurdistana Bakur, divê pêkve biryar bidin, ku piştgiriya kîjan berendamê/a serokkomar bikin.

Tevgera Kurd rola dengê Kurd di hilbijartinên pêşwext çawa dikare bîne rojevê û derfetê jê bidest bixe?

Tecrube û ezmunên me nişan didin, ku her hilbijartin derfeteke guncav e, ku tevgera Kurd û daxwaza gelê Kurdistan yên serekî bêne rojeva siyasiya Tirkiyê. Ger her partî û rêxistin bi cuda cuda beşdarê hilbijartinê bin, bê guman bandora dengê Kurdan wê kêm be. Lê ger hêzên Kurdistanî bi yekdengî û yekhalwestê pêşwaziya hilbijartinan bikin, bê şîk û guman bandora me wê zêdetir be.

Ligor baweriya we –aliyê Kurd di van hilbijartinan de, dive xwedî helwêstek çawa (nêzîkahiya blok, hevpeyman, hevkariyan) be?

Bi gor bîr û baweriya min nav û nişana hevkariya Kurdistanî di hilbijartinan da ne ewqas girîng e, blok jî dibe, hevpeymanî ji dibe, hevkarî ji… naverok û nasnameya hevkarî girîngtir e, bername û şiweyê xebat girîngtir e…

Damezrandina bloka Kurdistanî, dikare rolek bandorî di hilbijartinan de hebe?

Bê guman bandora hevkariya me, ku me pêkaniye, lê belê me hêşta imze nekiriye û ranegihandiye, wê gelek bi hêz be. Reaksiyon û bertekên gelê kurd û rêxistin û saziyên medeni û demokratîk û kesayetiyên serbixwe jî gelek pozitif e û dibêjin “dê vê carê hevkariyê guncav û rastbîn pêkbînin, daku em ji bi dilrexetî biçine ser sindoqan û piştgiriya hevkariya we bikin.”

Desthilat û Opozisyona Tirkiye di zanyariya giringiya dengê Kurd de ne?

Bê guman him opozisyon û him jî deshilata Tirkiyê rol û bandora dengê kurd têgihiştine. Lê belê hêşta bernameyê wan a rêk û pêk a ku daxwaza Kurdan jî têda hebe, dîyar nine. Desthilat ango AK Partî bi hevkariya xwe ligel MHP nişan daye, ku bo wê parastina dewlet girîngtir e ji mafê Kurd û demokrasiyê. Opozisyon jî ji ber ku raya Kemalist û nasyonalistan bi aliyê xwe bikêşê, nexxwaze dilê wan bişkêne, ku derheqa mafê Kurdan, çu ferq û cadati di nava wan da nine. Tenê hevkarî, yekdengî û yekhalwestiya me dikare siyaseta hanê ya deshilat û opozisyonê bigore.

kurdistan24.net

primi sui motori con e-max

Topluluk

PSK, PDKİ görüşmesi
PSK Genel Başkanı Mesud Tek, ...
PSK Heyeti YNK’yi ziyaret etti
19 Temmuz günü PSK Genel Başkanı ...
PSK-Pêşverû Görüşmesi
Güney Kürdistan’da bulunan ...
Mesud Barzani PSK Heyeti İle
PDK Genel Başkanı Mesud Barzani, ...
Şandeke Partıya Sosyalîst a
Di hevdîtina Partiya Sosyalîst a ...
PSK-ENKS Görüşmesi
Hewlêr’de bulunan ve Kürdistan ...
PSK’den İKDP’ye Ziyaret
Kürdistan Sosyalist Partisi-PSK ...
HDP Heyeti PSK’yi Ziyaret Etti
08 Mart 2018 tarihinde, HDP ...
Hevditîna PSK û PAK lî Hewlêrê
Heyetek ji Partiya Azadiya ...
PSK KOMELA görüşmesi
PSK Genel Başkanı Mesud Tek, genel ...
PSK heyeti Kosret Resul'u
PSK Genel Başkanı Mesud Tek, genel ...
PSK heyeti Yusuf Zozani’yi
PSK Genel Başkanı Mesud Tek, genel ...
PSK Heme Hacı Mahmud görüşmesi
Görüşmelerde bulunmak üzere ...
YNK PSK görüşmesi-2
Görüşmelerde bulunmak üzere ...