Em carek din pêşwazî li Cejna Remezanê dikin. Lê jiber şer, pevçûn û qeyranên li Rojhelata Navîn em nikarin bi dilekê rehet Cejna Remezanê pîroz bikin.
Welatê me bi alawên şer hatiye dorpêçkirin. Sîyaseta li dijê
Kurd hîn jî berdewam e. Êrîşên li ser nasname, ziman û hebûna gelê Kurd
bênavber didomên.
Înkar û dijminahiya li dijê miletê Kurd sedemê binhegîn yê
alozîya heremê ne. Eşkere ye ku heta mafên neteweyî yê rewa yên miletê Kurd
nehê dayîn, ne mimkun e ku li herêmê dawî li şer, pevçûn û qeyranan bê. Heta
sistemekê demokrat, wekhev û adil ava nebe, li Rojhelata Navîn aramî, aştî û demokrasi pêk nayê.
Em wek Partîya Sosyalîst a Kurdistan bi van hestan Cejna
Remezanê ya gelê Kurd û hemî misilmanên cîhanê pîroz dikin. Hêvî dikin ku em
cejnên salên bê di atmoseferekê azad û aştîyê da pîroz bikin.
19.03.2026
Bayram Bozyel
Serokê Giştî yê
Partîya Sosyalîst a Kurdistan
(PSK)
Partiya Sosyalîst a Kurdistan © 2022