Heyeta PSKê Serdana
YNKê kir
Heyeta PSKê ku ji Serokê
Giştî Bayram Bozyel, Cîgirê Serokê Giştî Celal Yıldız, endamên Meclisa PSKê
Mesud Tek û Tayyip Kızılyıldız û nûnerê PSKê li Hewlêrê Welî Koparanpêktê, li Silêmanîyê serdana YNKê kir.
Li ser navê YNKê Endamê Deftera Sîyasi Emin Babaşêx û heyeta YNKê pêşwazîya heyeta
PSKê kirin.
Di hevdîtinê da Serokê Giştî yê PSKê Bayram Bozyel behsa
rewşa siyasi ya Tirkiyê kir, bal kişand li ser êrîşên li ser Kurdan û tesîra
kirîza aborî ya li ser gel anî ziman.
Bozyel di axaftina xwe da got, “Bingeha hemî problemên
Tirkiyê nesafîkirina pirsa Kurd e û ji ber sîyaseta dijê Kurd Tirkiye ji her
alî ve xitimîye. PSK bi hemî alîyên Kurd
ra pêwendîyên xwe heye û jibo pêkanîna
hevkarîyekê Kurd ya berfirek xebatên xwe didomîne…”
Di hevdîtinê da herwisa Serokê Giştî yê PSKê Bozyel û Endamê
Mekteba Siyasi yê YNKê Emin Babaşêx li ser geşedanên li Herêma Kurdistanê,
Rojhelat û Rojavayê Kurdistan û Irakê bîr û rayên xwe anîn ziman. Nunerên herdu
partîyan wê yekê teyîd kirin ku alîyên Kurd bi helwestekê netweyî û aqlekê
stratejik dikarin bi rîskên li pêşîya Tevegera Kurd ra serî derkevin.
Hevdîtina Heyeta PSK û YNKê qasê du saetek ajot û hat eşkere
kirin ku diyalogên di navbera herdu partîyan bi awayekê sîstematik bidomin.
Heyeta PSKê di çend rojên pêş da dê gelek partî û alîyên
Kurdistanê ziyaret bike û hevdîtinan pêkbîne.
Partiya Sosyalîst a Kurdistan © 2022
