Birêz Bayram Bozyel, Serokê Giştî yê Partiya Sosyalîst a Kurdistanê,
Em li ser navê komîtêya xwe ya rêvebir û endamên xwe 49 emîn salvegera PSK`ê li we, serokati,, kadro û endamên PSK ê pîroz dikin. Di vî karê welatparêzî yê dijwar û pîroz de em We û partiya we re serkeftinê dixwazin.
Xebat û xizmeta Partiya Sosyalîst a Kurdistanê xebateke granbiha ye û em rêzê li xebata ku rasti gelek zahmetiyan hatiye, digirin. Kadr û endamên kû bo doza Kurd û Kurdistanê bûne cangori an qurbani, em wan bi ronahiya çirayê bîr tinin.
Em hêvi dikin kû hûn di xebata xwe ya siyasetê da hertim sekefti bin.
Carke din jî em salvegera partîya we pîroz dikin û we re xweşîyê û sêet-qewetê dixwazin.
Silavên hûrmet û rêzgirtinê
Ilyas Yanc Gulistan Ibrahim
Seroke Malê Çigira serokê
Male
Heyeteke PSK, PAK, TDK-TEVGERê roja duşemê, 20.02.2023yê, ji
bo nirxandina encamên erdheja 6ê sibatê û karên hevbeş yên dikarin bêne pêk
anîn, seredana Platforma Parastin û
Piştgirîyê ya Bajarê Dîyarbekirê kir.
Platforma Parastin û Piştgirîyê ya Bajarê Dîyarbekirê ji 84
çar dezgehên sivîl, baro, dezgehên karsazan, dezgehên meslekî û yên maf parêst
û ji sendîkayan ve pêk tên.
Heyeta PAK, PSK, TDK-TEVGERê ji Serokê Giştî yê PSKyê Bayram
Bozyel, Serokê Giştî yê PAKê Mustafa Ozçelîk, Berdevkê TDK-TEVGERê M.Can
Azbay, Rêvebirên TDK-TEVGERê Yûsûf Aydin
û Rifat Sefali, Cîhgirê Serokê Giştî yê PAKê Vahît Aba, Cîhgirê Serokê Giştî yê
PSKyê Hasan Dagtekîn pêk hatibû.
Li ser navê 84 dezgehên ku endamên Platforma Parastin û
Piştgirîyê ya Bajarê Dîyarbekirê ne, Serokê DTSOyê Mehmet Kaya, Serokê Baroya
Dîyarbekirê Nahît Eren, Seroka Odeya Bijîşkan Dr. Elîf Tûran, Seroka DOGUNKADê
Rojda Yilmaz, Serokê IHD ya DîyarbekirêAbdûllah Zeydan, Serokê DSMMO ya
Dîyarbekirê Şîyar Bozhan, Sekreterê
Koordînasyonê ya TMMOByê ya Dîyarbekirê Dogan Hatûn pêşewazîya
heyeta PSK, TDK-TEVGER, PAKê kirin.
Heyeta hevbeş a TDK-TEVGER, PSK û PAKê çar rojan li deverên ku di erdhejê da
gelek kesan jîyana xwe ji dest dabÛn, zerareke malî ya mezin çêbibû da,
seredan, lêkolîn, hevdîtinên berfireh pêk anîbûn û di derbarê vê da bi navê ‘’ÇAVDÊRÎ Û PÊŞNIYARÎYÊN ME YÊN DI DERBARÊ
HERÊMÊN KU ERDHEJÊRÛDAYE’’ raporek li
raya giştî belav kiribûn. Heyeta hevbeş a TDK-TEVGER, PSK û PAKê ev rapora pêşkêşî Platforma Parastin û
Piştgirîyê ya Bajarê Dîyarbekirê kir û herweha daxwaz kirin ku di derbarê rewşa
Dîyarbekirê ya piştî erdhejê da agahdarîyên ku li cem Platformê hene bi wan ra parve bikin.
Li ser navê Platformê Nahît Eren, Dogan Hatûn, Elîf Tûran û
Mehmet Kaya, di derbarê damezrandina Platforma Parastin û Piştgirîyê ya Bajarê
Dîyarbekirê û xebatên ku piştî erdhejê
li Dîyarbekirê pêk anîne agahdarîyên berfireh dan. Berdevkên Platformê di
derbarê kesên ku di erdjehê da jîyana xwe ji dest dane û avahîyên ku rûxane û
xesareke mezin dîtine da agahdarîyen ku herî dawî gihîştine ber destên wan
pêşkêş kirin. Berdevkên Platformê herweha bal kişandin ser texrîbat û xesarên
mezin ên canî û malî û ji bo çareser kirina pirsgirêkan girîngîya xebatên
hevbeş û piştgirîyê anîn zimên.
Di dawîya hevdîtinê da heyeta PAK, PSK, TDK-TEVGERê got ‘’ Ji bo çareserî pirsgirêkên ku piştî
erdhejê rûdane û dê rû bidin û ji bo alîkarîya mexdûrên erdhejê,em wek PAK,
PSK, TDK-TEVGERê amadene ku hevkarî û
piştgirîya web ikin. Em girîngî û qîmeteke mezin didin hebûn û xebatên
Platformê’’.
Hevdîtina Platforma Parastin û Piştgirîyê ya Bajarê
Dîyarbekirê û heyeta PSK, TDK-TEVGER,
PAKê atmosfereke berhemdar da derbas bû û herdu alî jî mitabiq man ku ji
bo çareserîya pirsgirêkan , di navbera
wan da dîyalog û hevdîtinên berdewam hebin.
Partiya Sosyalîst a Kurdistan © 2022
