Heyeta Hevbeş a PAK, PSK, TDK-Tevger, ku ji Mesud Tek, Vahît Aba, Yusuf Aydin û Bayram Bozyel pêkhatibû, di 15 Adarê sala 2022an da serdana KKP-Partiya Komunîsta Kurdistan kir. Heyeta KKP, bi serokatiya Serokê Gîştî Sînan Cîftyurek pêşwaziya heyeta hevbeş kir.
Heyeta Hevbeş reşnivîsek bi navê “Ji Bo Rê Li Ber Çareseriya Pirsa Kurd û Kurdistanê Vebe, Em Li Ser Daxwazên Xwe Yên Acîl Hêza Bikin Yek”, ku ji aliye PAK, PSK û TDK-Tevger ve, bona pêkanina navendeka Kurdî hatibû amade kirinê pêşkeşê KKP kir.
Serokê Giştî a KKP Sînan Cîftyurek derbareyê serdana hanê xweşhaliya xwe nişan da û cext li ser hevkariya hêzên Kurdistanê kir.
Seredana heyeta hevbeş bo rêxistinên siyasî yên Kurd wê berdewam be.
Rêveberiya Xweser kar û xebata Tora Medyayî Rudawê li navçeyê jêr desthilata xwe qedexe kir.
Evê êrişa yêkan nine, ku li ser medya û medyakaran tê kirinê.
Berê ji gelek caran karên usa ne demokratik hatibû kirin û bi taybeti Rudaw û karmendên Rudawê bûne armancên êrişa bi vî rengî.
Demek e pêvajoya êrîş li maf û azadiyên mirovi li Kurdistana Rojava berdewam e, bi taybeti azadiyên medyayî roj bi roj tê sinordar kirinê û tengtir dibe.
Çalakvanên sivil û berpirsên partiyên siyasî dikevine ber êrîşa dij-demokrasî û kirêt.
Daxistina Tora medyayê Rudawê pêpes kirina azadiya medyayî û pêşî lêgirtina mafên haydarbûn û informasyon girtinê ye.
Em Daxistina Rudawê û êrişên din yên dij demokrasiyê bo ser maf û azadiyên mirovî bi tundi mehkum dikin û daxwaz dikin, ku Rêveberiya Xweser herçi zutir dev jê karên usa û kirêt berde.
06 Sibat 2022
Buroya Çapemeniya
Partiya Sosyalîst a Kurdistan-PSK
Partiya Sosyalîst a Kurdistan © 2022