Bo rêzdarên komîteya amadekarî ya kongirê 3 ê ya Partiya Sosyalîsta Kurdistan ê PSK
Rêzdaran endamên kongreya 3 ê ( Partiya Sosyalîsta Kurdistan PSK ) em ji Hizba Zehmetkêşên Kurdistanê bi navê Mekteba Siyasî û tevaya endam û alîgirên xwe li Başurê Kurdistanê gerimtirîn pîrozbahî yê digehînîn, hîvîya serkeftinê ji kongreya we dixwazîn.
Rêzdaran kongreya we li jêr dirûşm ê ( Azadî Demokrasî û Aştî ) di demek daye ku cîhan bi temamî û Rojhelata Navîn û devera me bi taybetî di nav komeka alozîyên mezin da derbaz dibe, û arîşe roj bi rojê zêdetir dikevinserêk û komelgeha navdewletî jî di çareserkirnêda bê deng maye, û rojhelata navîn û dever jî di nav giriftên cografî û dîrokî û kevneşopiya eqliyeta paşvemayî ya ne demokrasî da berdewam dike, û cardin desthilatên çav birsîyên deverê hebûn û hizir û dahênana cîhana sermayedarî yê ye, ku zêdetire ji sed salan cografî ya deverê dûr ji îrade û viyana gelên wê danaye, û her vê jî wekir ye rojhelata navîn aştî û aramîyê bi xweve nebîne û dever jî dinav girtin û kuştin û dagîrkariyê de binalîne.
Rêzdaran di niha da her tişt aşkera û rohn e li rojhelata navîn, bê vedîtina çereserî a pirsa kurd alozî berdewamîyê dikêşe, û zêdetir jî dibe, û destwerdan bi asanîtir dibe, aştî û aramîya deverê zêdetir dikeve metirsîyê, jiber wê di nihada dirûşmê kongreya we ( Azadî Demokrasî û Aştî ) dirûşmekê pêtvî yê nihaye, her weha em ji Hizba Zehmetkêşên Kurdistanê bawerîya me a temam waye dûr ji tûnd û tîjî û bi rêya demokrasî û aştiyê arîşên gelê me yên rewa çareser dibe.
Dîroka têkoşîna gelê me şahidê van rastiyan e û herdem pişt daye şerî û rê li aştî û birayetî û pêkve jiyanê vekiriye.
Hevalên bi rûmet em wek Hizba Zehmetkêşên Kurdistanê dûr ji maytêkirnê, hevalînî û dostayetîya her çar parçeyên kurdistanê radigehînîn, kêşeya her parçeka kurdistanê bi berçavgirtina taybetmendiyên wê parçê em bi kêşeya xwe dizanîn, hevsozin ligel êş û azarên gelê xwe di her çar parçeyên kurdistanê de, her wesa Partiya Sosyalîsta Kurdistan ê PSK bi hevhizir û hevxebat û hevstratejê xwe dizanîn, di nihada jî pêkve di çarçoveyê Korbend ê Çepên Kurdistanê hevxebatin, û di paşerojê jî de giringî bi wê têkoşîna xwe didin, di paşerojek nêzîk de di Korbendê du a Çepên Kurdistanê dirêjî bi xebat û têkoşîna xwe didin.
Endamên kongireyê 3 yê Partiya Sosyalîsta Kurdistan ê PSK yên hêja carek din pîrozbahiya girêdana kongreya we li we dikin, hîvî xwazîn kongireya we bi biryar û pêşniyarên here baş û giring derbiçin ku di pêşiyê de xizmeta têkoşana gelê me bike.
Her wesa dixwazîn partiya we (Partiya Sosyalîsta Kurdistan ê PSK) pêşkeftinên mezin bidest ve bîne û her şad û serfîraz bin.
Digel rêzgirtinê.....
Hizba zehmetkêşên Kurdistanê
Mekteba siyasî
30\10\2022
647 ronakbir, nivîskar, siyasetmedar û berpirsên dezgeyên sivil bi çêkirina civina Di civîna çapemeniyê da, ku di 18ê meha Cotmehê da, li Amedê, di Cemiyeta Rojnamevan da hatiyê çêkirin, 647 ronakbir, nivîskar, siyasetmedar û berpirsên dezgeyên sivil piştgiriya xwe li berxwedana gelên Îran û Kurdistanê ragihandın.
Daxuyanî bi vî awayî ye:
Keça Kurd Jîna Emînî ya ku ji alîyê polîsên dewleta dagirker a Îranê ve bi êşkence û lêdanê hate qetilkirin, di dema merasîma axsipartina wê de li bajarê Saqiza Rojhelata Kurdistanê, xwepêşandana dest pê kirin û ew xwepêşandan li hemû bajarên Îranê belav bûn. Bi tevî hemû zixt û zordarîya Dewleta Îranê, tevgera sivîl a xelkê li her derê bajarên Îranê belav dibe û geş dibe. Ev xwepêşandan/raperîn, bi piştgirî û berxwedana grubên bindest ên netewî, etnîkî, mezhebî û jinan li tevayê Îranê hêrsekê mezin û tevgerekê berxwedanê derxistîye meydanê.
Rejîma Îranê rejîmeke otokratîk/despotîk a weha ye ku bi tu awayî rêz li mafên mirovan, wekhevî û mafê jinan, mafê netewî û demokratîk ên nasname û kulturên cîyawaz nagre û qebûl nake. Îranê, karîye heta îro gelek netewe û gurubên etnîkî yên wekî Azerî, Kurd, Belûc û Ereban bi zixt û zordarîyê di bin serwerîya neteweya Faris û nasnameya Îranî de ligel hev bigre. Digel van hemû zixt û zordarîyan, grubên etnîkî û neteweyî yên li Îranê, daxwaza sîstemekê federalî dikin.
Ev tevgera berxwedana ku bi çirûska bûyera Jîna Emînî vêketîye, bûye sedemê têkoşîna hevpar a neteweyên bindest ên wekî Kurd, Belûc, Azerî, Ereb û yên din li hemberê serdestîya neteweya Faris. Rejîmê heta nûha nekarîye raperîn û berxwedana jinan, ciwanan, xwendekaran, Kurdan û Belûcan biçewisîne, berûvajê wî hemû tebaqeyên xelkê Îranê tevlî vê serhildanê bûne. Li rojhelatê Kurdistanê, bi bangewazîya Navenda Hevkarîya Partîyên Kurdistanî gireveke giştî dest pê kir, tevlîbûn û piştevanîyeke baş ji alîyê xelkê ve hate kirin. Di destpêkê da bi teybetî Kurd û Belûcan û herweha gurubên netewî yên din jî, ji bo azadî û serwerîya xwe berdewamî li hemberê rejîma dîktator a Îranê têkoşîyane û têdikoşin. Rejîma teokratîk a Îranê li hemberê vê mixalefet û berxwedanê neçar maye, ji ber vê neçarîyê êrîşê kampên sivîl û baregayên sê partîyên sîyasî yê rojhelat kirin li ser xaka başûrê Kurdistanê, da ku bala raya giştî ya dinyayê ji berxwedana navxweyî ya xelkê Îranê dûr bixin û tevgerê ji rêya meşrû derbixin. Rejîma Îranê bi vê awayê, dixwaze berxwedana meşrû ya xelkê Îranê manîpile bike û li hemberê xelkê Kurd jî zemîna pîlana qetîlameke mezin çêbike. Heta îro di encama êrîşên dewleta Îranê de, nêzîkê 150 kesan canê xwe ji dest daye, bi hezaran kes birîndar bûye û hatine destgîrkirin.
Digel van kiryarên rejîmê, xelkê Îranê û rojhelatê Kurdistanê; ji bo mafê xwe yên millî, mafê demokratîk, mafê mirovî, mafê jinan û azadîya xwe têkoşînek rewa û bi îstiqrar dimeşînin. Piştevanîkirina berxwedaneke rewa, mafdar û bi îstiqrar mafekî mirovî ye û serbilindî ye. Di vê çarçoveyê de em bang li hemû raya giştî ya demokratîk û humanîtera dinyayê, rêkxistina Neteweyên Yekgirtî, Yekîtîya Awrûpa, Konseya Awrûpa, Teşkîlata Yekîtîya Ereban û rêkxistinên din ên navneteweyî dikin ku piştevanîya berxwedana meşrû û sivîl ya xelkên Îran û rojhelatê Kurdistanê bikin. Li hemberê zordarî û qetlîamên rejîma despotîk helwesta xwe nîşan bidin û midaxaleyê wê bikin.
Ji bo vê yekê, em yên ku navê wan li jêrê hatîne nivisîn; êrîşên berdewamî û qetlîamên Dewleta Îranê şermezar dikin, piştevanîya têkoşîna berdewamî ya xelkê Îranê, rojhelatê Kurdistanê, hemû kom û gurubên netewî û etnîkî yên Îranî dikin ku ji bo mafê mirovan, mafê jinan, mafê neteweyî, demokratîk û azadîyê têdikoşin.
Partiya Sosyalîst a Kurdistan © 2022