16ê Adarê bo me Kurdan rojeka reş e.
34 sal berê niha, di sala 1988an da firokeyên cengî yên rejîma BAASê bi çekên kîmyevî ve êrîş kirin ser bajarê Halebce.
Di encama êrîşa hanê da bi hezara jin, zarok, kal û pîr jiyana xwe ji dest dan, bûne qurbanên çeken kîmyevî û bi dehan hezar jî birîndar bûn, ku heya niha ji birîna bedenî û deruniya hinek ji wan sarij nebûye.
Çekên kîmyevî, dar û bêrên, deşt û zozanên, av û hewayê Halebce herîmand, ku bandora wê îro jî berdewam e.
“Kareseta Halebce” bi temami jenosîd e.
Rejima BAAS jenosîda hanê bi alikariya hinek dewletan û li ber çavê bîrurayê cîhanê encam da.
Hingê çû dewlet, sazî û dezgeyên navnetewî guhê xwe nedane hewara Kurdan, bê deng man û bi vî awayî bûne şîrîkê rejîma xwinxwar û Kurdkujî BAASê.
Çend berpirsên BAASê yên ku jenosîda Halebceyê encam dane û şîrketên Ewrupî hatine dadîgeh kirinê.
Lê belê dilê me hêj aram nebûye, ji ber ku hemu berpirsên navxweyî û derweyê jenosîdê ne hatine destnişan û dadigeh kirinê.
Hêşta dewleta Iraq li tawanê xwe mukir nehatiye û bona qerebo kirina ziyanê qurbaniyan tiştek nekiriye.
Ji bona vê yekê divê Hikumeta Herêma Kurdistan û hemu partiyên siyasî û komelên diyasporayê, bi hevra bona dadigeh kirina hemu tawanbaran di Dadigeha Tawanên Navnetewî da, ji bo qerebo kirina zirarên qurbaniyan, bona naskirina 16ê Adarê wekî roja jenosîda Kurdan bi çekên kîmyewî ve ji aliyê UNê ve, kar û xebatê bikin.
Ev yêka baştirin şiveyê bi bîranina Kareseta Halebce ye.
Em carekî dinê li ber hizura şehîdên Halebceyê qirnoş dibin.
16 Adar 2022
PSK-Partiya Sosyalîst a Kurdistan
Heyeta hevbeş ya PAK, PSK û TDK-Tevgerê roja 28.03.2022yê li Mêrdîn û Qoserê seredanên gelek komel û sazîyên sivîl kirin..
Roja 28.03.2022yê Heyeta hevbeş ya PAK, PSK û TDK-Tevgerê li Mêrdîn û Qoserê serdana Federasyona Mixtaran ya Tirkîyeyê Şaxa Qoserê, Odeya Sinaîya Qoserê, Federasyona Civakî ya Mêrdînê, Odeya Zîreetê ya Qoserê, Komela Cotkaran ya Qoserê, Berhêmkar û Kargêrî ya Garisê ya Başûrê Rojhilat, Komela Dêrik û Mazîdaxê kirin.
Heyeta Hevbeş ya ku ji Cîhgirê Serokê Giştî yê PAKê û Serokê Teşkîlata Mêrdînê ya PAKê Bedran Acar û Endamê Meclîsa PAKê Şêxmûs Unal, Endamê reveberîya TDK-TEVGERê Kemal Adar û endamê Desteyê karger a Navendî (DKN) û Serokê Teşkîlata Mêrdînê ya PSKyê Salihê Omerî pêkhatî, bi armanca danasîna Daxwazên Acîl yên miletê Kurd û wergirtina bîr û ray û pêşniyarên sazîyên sivîl û rûsipîyan, pêşî serdana 7 sazî û dezgehên sivîl kirin.
Berdevkên heyetê di derbarê daxwazên Acîl yên Kurdan de zanyarî dane û bi nivîskî Bernameya Daxwazên Acîl pêşkêşî van dezgehên sivîl kirine.
Ji wana daxwaz kirine ku vê Bernameya Daxwazên Acîl wek pêşnîyarî bibînîn û gotine "heger bo zêdekirin an kêmkirinê pêşnîyarên we hebin me agahdar bikin".
Hemî berpirsên sazî û dezgehên sivîl jî, sipasîyên xwe ji bo vî zîyareta bi rûmet pêşkêş kirine û herwiha gotin ewê pêşniyarên xwe pêşkêşê wana bikin.
Herwiha, li gor agahdarîyên ku me ji TDK-TEVGER, PAK û PSKyê girtîye; dê seredanên xwe yên li Mêrdîn û herêmê berdewam bikin.
Rupela Nu
Partiya Sosyalîst a Kurdistan © 2022