26ê Sermawez (17ê Çileya Pêşîn) Roja Alayê Kurdistanê ye.
Ala Rengîn ne tenê sembola azadî, rizgarî û serxwebûna
Kurdistanê ye. Her weha bi dehan sal in, ku pêşengiya gelê Kurd dike, di xebata
azadî û serbestiyê da.
Ala Rengîn bêtirî ji sedsalek remza têkoşîna gelê me ye, ku bi
cangorî ve berdewam e.
Ala Rengîn nirxekê netewî ye, sivana hevbeş a Kurdan e.
Erkê me parastin û bilind ragirtina Ala Rengîn e.
Ala Rengîn, ku di salên 1930î da li Çiyayê Agiriyê û di 17ê
Çileya Pêşîn a sala 1945an da li Paytexta Komara Kurdistan Mehabadê hatiye
bilind kirin, îro li ser Parlamentoyê Kurdistanê, li ser hemu avahiyên fermî
yên Herêma Kurdistanê li ba dibe.
Û em piştrast in, ku rojek li seranserê Kurdistanê wê were
bilind kirinê.
Jı bona vê yêkê ji divê hemû hêzên welatparêz di bin Ala
Rengînê da bibine yek û bi hevra ji bona armancên netewî yên hevbeş kar û xebatê
bikin.
26ê Sermawez (17ê Çileya Pêşîn ) her usa ji aliyê Hİzba
Demokrata Kurdistana Îranê (HDK-Î) ve wekî Roja Pêşmerge hatiye ragihandinê.
Em Roja Ala Rengîn li gelê Kurd a xweragir, bi taybetî li
daykên şehîdan, ku bona bilind ragirtina Ala Kurdistanê canê xwe dane, li hemû
hêz û aliyên welatparêz pîroz dikin.
Roja Pêşmerge li Pêşmergeyên tekoşer û agîd û cangorî, ku
niha di sengerê bi dest xistina mafên netewî û parastina hebûn û kerameta gelê
Kurd û deskevtên niştimanî da ne, bona berdewamiya rêbaza şehîdan amade ne canê
xwe fidayê gel û welat bikin, pîroz be.
16ê Çileya Pêşîn 2021
PSK- Partiya Sosyalîst a Kurdistan
Roja Çarşem, topxaneyê erteşa Tirk navçeyek geştyariya Zaxoyê topbaran kir.
Di encama êrîşên hanê da 9 kesên sîvîl canê xwe ji dest dan û 30 kesên dinê jî birîndar bûne.
Êrîşa hanê berdewamiya êrîşa ertêşa Tirk e, ku bi salan e bi henceta PKK êrîş dike bo ser Kurdistana Başurê. Êrîşa dawî nişan dide, ku hebûna PKK li navçeyê hencet e, armanca serekî ya dewleta Tirk, ku amedekariya xwe derheqa êrîş û dagirkirina Kurdistana Başur û Rojavayê ragihandiye, têkdane serweriya Herêma Kurdistanê ye.
Partiya Sosyalîst a Kurdistan-PSK, carekî dinê êrîşên dewleta Tirk bo ser Kurdistana Azad bi tundî mehkum dike û daxwaz ji Koma Milletan û sazî û dezgeyên navnetewî dike, ku dengê xwe li hemberê hovîtiya dewleta Tirk bilind bikin.
PSK piştgiriya biryara Hikumeta Baxda ya ragihandina rojek şîn dike û her usa daxwaz ji hikumeta merkeziya Iraq dike, ku giliyê dewleta Tirk di Koma milletan bike, ji ber ku êrîşa dewleta Tirk her weha binpê kirina serweriya dewleta Iraqê ye jî.
PSK banga Serokatiya Herêma Kurdistanê û hemu hêzên welatparêzên seranserî Kurdistanê dike, ku li hemberê êrîşên dewleta dagirkera Tirkiyê halwestê hevbeş bigrin.
Bi gor bîr û baweriya me baştirin asteng li ber êrîşa dewleta Tirk, li Bakurê kurdistanê pêkanîna navendeke kurdî ye bi beşdariya hemu hezên welatparêz û demokrat ve. Em di vî warê da berdewam hewl bidin.
Em serxweşiya xwe pêşkeşê malbata qurbaniyên êrîşên dawî a Dewleta Tirk dikin û şîrîkê xema wan in.
21.07. 22
Partiya Sosyalîst a Kurdistan-PSK
Partiya Sosyalîst a Kurdistan © 2022