Serokê Giştî yê PSKê Bayram Bozyel tevî Cihgirê Serokê Giştî
Selva Baksi, Celal Yıldız, Mehmet Bozhan û Veli Koparan îro (14.11.2023) li
Ofisa Hewlêrê a PSKê pêşwazîya heyetekê Partîya Welatparêzên Kurdistanê kir.
Heyeta PWKê ku ji Serokê Giştî Mustafa Özçelik û rêvebirên
partiyê M. Can Azbay, Vahit Aba, Baran Boskan, Seval Mert û Orhan Kaya pêkahatibû
di serdanê da vekirina Ofisa PSKê a li Hewlêrê piroz kirin û daxwaza serkeftinê
kirin.
Di serlêdanê da herwisa behsa geşedanên li Kurdistanê hat
kirin û derbarê pirsgirekên sîyasî da berpirsên herdu partîyan bîrûrayên xwe
eşkere kirin.
Serlêdana PWKê ya Ofisa PSKê a li Hewlêrê di atmosfereke
erênî da derbas bû.
Birêz Bayram Bozyel,
Serokê Partiya Sosyalîst a Kurdistanê
Silav li we.
Bi helkefta serkeftina Kongreya 3ya partiya we ya têkoşer, em bi germî pîrozbahiyê li we, endamên serkirdayetiyê û hemû endam û alîgirên partiya we ya têkoşer dikin.
Di dema ku we kongreya sêyem li dar xist, Kurdistan û herêm di rewşek siyasî ya hestiyar re derbas dibe, em wek Partiya Sosyalîst Demokrat a Kurdistanê li hêviya encamên kongreya partiya we ya têkoşer in ji bo pêşdebirina doza Kurd û yekrêziya hêzên Kurdistanî û yekrêziya hêzên Kurd û Kurdistanî.
Em ji vê derfetê sûd werdigirin û tekezî li ser pêwendiyên xwe yên dostane û bihêzkirina peywendiyan dikin.
Careke din serkeftina kongreya we pîroz be
Buroya Têkiliyên Giştî ya Partiya Sosyalîst Demokrat a Kurdistanê
3/11/2022
Partiya Sosyalîst a Kurdistan © 2022
