Di 26ê Sibata 2025an de serkirdetiya Foruma Çep a Kurdistanê li Hewlêrê civîna xwe li dar xist.
Di civînê de behsa xebatên konferansê weke
pirojeya tekoşîna hevbeş hate kirin û amaje bi giringiya xwendina pêşhatên
cîhanê û deverê û bandora wan li ser rewşa Kurdistanê bi giştî hate kirin. Her
usa amaje bi vê yekê hate kirin, ku heta ku pirsa Kurd bi şikle demokratik û
dadweri neyê çareser kirinê û hemu beşên Kurdistanê da rêz li îradeya gelê Kurd
neyê girtin, li Rojhilata Navîn aşitî aramî û pêşveçûn û pêkve jiyan cigir
nabe.
Di civînê de behsa rola çepên Kurdistanê di
xebaata azadiya gelê Kurdistan û girîngiya girêdana têkoşîna neteweyî ya
Kurdistanê bi têkoşîna azadiyên demokratîk, mafên mirovan, mafên jinan,
parastina jîngeh û dadmendiya civakî ve hate kirin. Bi vî awayî giringiya
gotara çep dîyar dibe di têkoşîna rojane ya girseyan de û çepên Kurdistanî wek
hêzeke siyasî di têkoşîna netewî de bi bandortir dibe.
Di civînê de tekezî li ser hemahengî û xebata
hevbeş a hemû aliyên siyasî yên herçar parçeyên Kurdistanê hat kirin, bi şiklê
ku taybetmendiya têkoşîna her beşên Kurdistanê li ber çav be û serxwebûna
biryara siyasî hebe û destwerdan li navendên biryardana siyasî yên her
parçeyekî Kurdistanê neyê kirinê.
Beşdarên Konferansa Çepên Kurdistanê derbarê
civîna sêyemîn a ku di 25ê Sibatê de li Hewlêrê bi sernavê “Guhertinên
Navdewletî û Herêmî û Bandora wê Li ser Kurdistanê” li Hewlêrê hat lidarxistin,
nirxandinek erênî kirin. Diyar kirin, ku panelan nişana nermî û vekirî bûna
hezên çep e. Nasnameya sereke ya civînê çepgir û berhemdar di warê ramanî û
siyasî de li derveyî partiyên Foruma Çep a Kurdistanê û vebûna ji bo dîtinên
hêzên din ên li derveyî çepê bû. Ji bilî vê xala girîng, beşdarên civînê bal
kişandin ser girîngiya girêdana çalakiyên bi vî rengî û xebata hevpar a
çepgiran.
Di dawiya civînê de serkirdayetiya Konferansa
Çep a Kurdistanê derbarê aktîvkirina mekanîzmayên lidarxistina konferansê de
çend biryarên girîng girtin.
Foruma
Çep a Kurdistanê
(Bakur: Partiya Komunîst a Kurdistanê û
Partiya Sosyalîst a Kurdistanê.
Rojhilat: Komeleya Zehmetkêşên Kurdistanê.
Rojava: Partiya Komunîst a Kurdistanê. Başûr:
Partiya Zahmekeşên Kurdistanê, Partiya Komunîst a Kurdistanê û Tevgera Civaka
Demokratîk)
PSK; Komkujîya Elewiyan li Sûriyê Rawestînin!
PSK; Suriye’de Alevilere Yapılan Katliam Durdurulsun! 
PSK; 8 Mart Dünya Kadınlar Günü Kutlu Olsun
PSK; Roja Jinan a Cîhanî 8ê Adarê Pîroz Be
Heyeta Hevbeş a PSK, PWK û HAKPARê bi Serok Barzani ra civîyan
PIRSGIRÊKA KURD TENÊ BI NASKIRINA MAFÊN NETEWÎ YÊN GELÊ KURD ÇARESER DIBE
KÜRT MESELESİ KÜRT HALKININ ULUSAL HAKLARININ TANINMASIYLA ÇÖZÜLEBİLİR ANCAKDaxuyaniya Civîna Serkirdetiya Forûma Çep a Kurdistanê
Ji Kurdan Re Her Roj 21 ê Sibatê Ye…
HDK’ye Yönelik Operasyon Kabul Edilemez! Partiya Sosyalîst a Kurdistan © 2022