DERBA 12 ÎLONÊ Dİ DÎROKA GELÊ KURD DA ROJEKÊ REŞ E
Li Tirkîyê Roja 12 îlonê sala 1980yî Sererkanên lêşkeri ango pênc generalên
dewleta Tirk dest dan ser hukma idarî û
qontrola welat xistin bin destê xwe.
Hukma lêşkerî di bin serokatîya Kenan Evrende ji hêla 5 Generalan bi salan hat rêvebirin.
Jîyana, yasayi, sîyasî, aborî, civakî, diplomasi her tişt ji hêla van 5 general
û brokratên wan ve hat meşandin.
Di seri de parlamento, partîyên sîyasî, dezgeh û sazîyên
sivil, hemû hatin belav kirin, çapemenî û ragîhandin hat fetisandin, berpirsên
wan hatin darizandin.
Di wê dema derba lêşkerî a faşîst de 650 Hazar kes hatin binçavkirin. 210 hezar
doz hat vekirin. 230 hezar kes di van dozan de hatin darizandin. Ji bo 7 hezar kesî hukmê îdamê hat xwestin û bi vê daxwazê hatin
darizandin. 517 kes bi sezayê idamê hatin mahkum kirin. Ji wan 50 kes hatin
idam kirin.
Heps û zindan xasima
bi welatparêzên kurd, şoreşgerên Kurd û Tirk hatin dagirtin. Zilm û işkencên
giran hat kirin, xasma li zindana Amedê a kû
bi 5 Nolû tê bi nav kirin. Di wan işkencande sedan kes jîyana xwe ji
dest dan, di nav wan de Hevalê me Metîn
Aksoy li Erzurumê, Yilmaz Demîr li Amedê di bin wan işkencên har û hov de
jîyana xwe ji dest dan.
Kenan Evren li ser daxwaza xwe, ango bi hiş û mejîyekî
leşkerî, ji rastîya welat û navneteweyî dur, fermannameyî da amadekirin û wê
wek makezagon bi nav kir.
Ew makezagona kû Kenan Evren anî bûn heta niha dehan car hat
pîne kirin lê cardin jî bersîva dem û pêvajoyên kû Tirkîye têda derbas bû û
dibe, neda û nade.
Tişta her balkêş Kenan Evren bi wê makezagonê sistemekî
takîkesî bo xwe kiribûn armanc, pişîtî 43 salan şûnde bingeha makezagona îro jî
her ew makezagona Kenan Evren e û îro jî take kesek hukum dike.
Em wek Partîya Sosyalîst a Kurdistan di 43. min sal roja 12 îlonê a derbeya faşîst
bi hemû awayî mahkum dikin. Can gorîyên zindan û işkencan bi rêzdarî bibîr
tînin.
Bimre Faşîzim
Bimre zilm û zordarî
Azadî bo Kurdistan, Demokrasi bo Tirkîyê
12.09.2023
Partîya Sosyalîst a Kurdistan
(PSK)
Seyîd Riza û Hevalên Wî Nemîr İn
Erdoğan Kürdlerden Özür Dilemelidir
Kayyım Siyaseti Geri Döndü
Siyaseta Danana Kayum Paşve Vegeriya
Divê Alî Çeven bê berdan
Ahmet Özer’i Yanlız Bırakmayalım Partiya Sosyalîst a Kurdistan © 2022