PSK-Partiya Sosyalîst a Kurdistan

» Gündem
» Basın Açıklamaları

Di 100 Saliya Xwe de Ruhê Tevgera Neteweyî Ya Şêx Seîd Têkoşîna Me Xurt Dike

Îsal li ser Tevgera Azadîyê ya1925an ku bi pêşengiya Şey Seîd dest pêkir 100 sal derbas bû. Dewleta Tirk di sedsala borî de xwest hemî hewldanên gelê Kurd ên ji bo azadiya neteweyî bi tundî fifetisîne, lê Kurdan tu carî serî li ber zilmê netewand û dev ji nasname û hebûna xwe ya netewî bernedan. Berovajî gelê Kurd sed sal in ku têkoşîna xwe ya ji bo jiyaneke bi rûmet berdewam dike.

Di destpêka sedsala borî de dema ku li cîhanê nîzameke nû ava dibû, Kurdistan bû çar parçe. Pêvajoya perçebûna Kurdistanê ku bi Peymana Sykes Picot a sala 1916an dest pê kir, bi Konferansa Parîsê ya sala 1919an û herî dawî jî bi Peymana Lozanê ya di sala 1923an de hat îmzekirin, temam bû. Di tevahiya vê pêvajoyê de çarenûsa Kurdan ji aliyê hêzên emperyalîst û welatên herêmê ve di platformên ku Kurd lê nebûn diyar kirin.

Tevî ku di dema hilweşandina Împaratoriya Osmanî de kadroyên kemalîst soz dabûn ku dewleta nû wê bibe dewleteke hevpar a Kurd û Tirkan, piştî ragihandina Komarê hebûna neteweyî, nasname, ziman û welatê Kurdan paşguh û înkar kirin. Gelê Kurd û nûnerên wan ên siyasî di her firsendê de bertek nîşanî polîtîkayên red û înkarê yên dewleta Tirk dan. Li dijî xiyanet û neheqiya li wan hat kirin, nerazîbûna xwe nîşan dan. Kurdan bi dengekî bilind îradeya xwe ya ji bo jiyanekê azad û bi rûmet li welatê xwe anîn ziman. Bi vê armancê lez dan xebatên xwe yên siyasî û rêxistinî.

Di bin van hemû şert û mercan de, dewletê bi provakasyona ku di 13'ê Sibata 1925'an de plan kiribû, bû sedem ku Tevgera Kurd bê amadekarî û zû dest pê bike. Rejîma Kemalîst bi provakasyona ku pêk anî dest bi çewisandina tevgera kurd kir û piştî darizandinên sexte bi sedan serokên Cemiyeta Azadî ku di nav wan de Şêx Seîd û hevalên wî jî hebûn, darve kirin. Paşê bi Plana Islahatê ya Şerqê ku pêk anî, ji bo valakirina Kurdistanê, tunekirina zimanê kurdî û şikandina îradeya kurdan a azadiyê, sîstema Mufetîşiya Giştî ya ku walîtîyeke kolonyalîst bû, xist meriyetê. Li gel vê jî gelê Kurd sed sal e li ber xwe dide û têkoşîna xwe ya azadiyê bi biryardarî didomîne.

Piştî sedsalekê li Rojhilata Navîn nîzama Dijê-Kurd bi lez û bez perçe dibe. Konsepta înkar û îmhaya Kurd û Kurdistanê têk çûye. Dijminatiya li hemberî Kurdan gihiştiye asteke ku nayê domandin.

Di 100 saliya tevgera neteweyî ya Kurd a sala 1925’an de em bang li hemû aktorên pêwendîdar, bi taybetî jî dewleta Tirk dikin ku siyaseta înkar û şîdetê ya di pirsgirêka Kurd de tê meşandin biterikînin û pirsgirêka Kurd bi rêbazên aştiyane û siyasî çareser bikin.

Bi heman awayî em bang li hemû partî û aliyên siyasî yên Kurdistanî dikin ku destên xwe bidin hev û li ser stratejiyeke netewî ya hevbeş bicivin da ku gelê me bigihîje mafên xwe yên netewî.

Bi vê minasebetê em careke din Şêx Seîd û hemû şehîdên azadiyê yên ku canê xwe ji bo azadî û rûmeta netewî feda kirine bi rêz û hezkirin bi bîr tînin.

13.02.025

Partiya Sosyalîst a Kurdistan

(PSK)

İçerik Başlıkları

Berxwedana ku bi girtina dikanên bazirganên bazarê ve li Tehranê di 28ê Kanûnê de dest pê kir, anha li seranserê Îranê belav bûye. Çalakîyên ku bi daxwazên aborî li Tehranê dest pê kirin, bi beşdariya jin, ciwan û rêxistinên civaka sivîl gihîştine asta serhildanek dijî rejîmê. Gelê Rojhilatê Kurdistanê di beşdarbûna li berxwedana li Îranê de rolekê girîng dilîze. Piştî berxwedana ku bi kuştina Jîna Emînî di sala 2022an de dest pê kir, gelê Îranê careke din ji bo azadiyê li kolanan e.

Serhildana gelêrî ya li Îranê sedemên xwe yên rewa yên aborî, siyasî û dîrokî hene.

Rejîma zordar û zalim a li Îranê ji hêla aborî, civakî û exlaqî ve rizîyaye û gihîştiye dema xwe ya dawî. Çengek mela û elîtên artêşê yên ku welêt birêve dibin, bacên gel ji bo berjewendiya xwe didizin û xerc dikin. Rejîma ku çavkaniyên welêt jibo şer û çekan xerc dike, rewatiya xwe ya siyasî winda kiriye.

Rejîma barbar a Îranê bi komkujî û darvekirinan bersiva daxwazên gel ên ji bo maf û azadiyan dide. Tenê di sala borî de, rejîmê zêdetirî 1500 kes darve kiriye.

Di vê qonaxê de, li pêşîya gelê Îranê ji bilî berxwedan û guhertina rejîma heyî, ti alternativek din nemaye. Rewş gihîştiye xalekê krîtîk.

Hilweşîn û rizandina navxweyî dikare rejîma Îranê ber bi helwestek hîn êrîşker ve bibe. Tenê di hefteya dawî de, li bajarên wekî Îlam, Kirmaşan, Loristan û Hemedanê, zêdetirî 40 sivîl, ku piraniya wan Kurd in, di xwepêşandanên aştiyane de hatine kuştin û bi hezaran kes jî hatine girtin. Çarenûsa piraniya kesên hatine girtin hîn ne diyar e.

Ev êrîş û komkujiyên xwînî yên ku ji hêla rejîmê ve li dijî xelkê sivîl têne kirin divê tavilê werin rawestandin.

Em, wek Partiya Sosyalîst a Kurdistanê (PSK), bi tevahî piştgiriyê didin têkoşîna gelê Îranê ya ji bo azadiyê li dijî zilmê. Em amadebûna xwe diyar dikin ku bi gelê Rojhilatê Kurdistanê re di nav hevkarî û hevgirtina herî nêzîk de bin. Em hewlên partiyên siyasî yên Rojhilatê Kurdistanê ji bo yekîtî û tifaqa neteweyî ji nêz ve dişopînin û bir germî slav dikin. Em hemû saziyên siyasî, sivîl û demokratîk ên cîhanê yên ku alîgirê aştî, demokrasî û edaletê ne, bi taybetî Neteweyên Yekbûyî, vedixwînin ku li dijî zilm û qetlîamên nemirovane yên rejîma kevneperest a Îranê helwestek bi bandor bigirin û dengê xwe bilindtir bikin.

06.01.2026

Partiya Sosyalîst a Kurdistan

(PSK)

İçerik Başlıkları

En çok Okunan İçerik

Yorum Yaz