PSK-Partiya Sosyalîst a Kurdistan

» Gündem
» Basın Açıklamaları

" Em pejirandina statuyek netewi bo gelê kurd wek mafek rewa û gerdunî dibînin".

Çavkaniyên herêmî diyar kirin ku 17’ê Adarê serê sibê, dewleta Tirk êrişa hawayi bo ser Kobanî kir û di encama êrişa hanê da, ji malbateka Kurd 9 kes mirin, ku piraniya wan zarok in.

Ev êrîş berdewama êrîşên Tirkiyê ye ku bûye sedema kuştina bi sedan sivîlên bêguneh di nav de gelek zarok. Komara Tirkiyeyê vê carê jî helwesta xwe ya kevneşopî didomîne û dibêje ku tu têkiliya wê bi vê êrîşê re nîne.

Êrîşa Kobanî di demekê de ye ku di derbarê paşeroja Sûriyê de geşedanên girîng diqewimin. Di vê demê da, ku hevdîtinên di navbera Başûrêrojavayê Kurdistanê û hikûmeta navendî de pêş dikevin, êrîşên leşkerî yên Tirkiyê ji tund dibin. Ev yêka hanê jî hêviyên Tirkiyeyê yên derbareyê herêmê nîşan dide.

Divê Hikûmeta Demkî ya Sûriyeyê, Neteweyên Yekbûyî (NY), Yekîtiya Ewropa (YE), DYA û rêxistinên navneteweyî li hemberî van êrîşên Tirkiyeyê helwesteke zelal nîşan bidin û bi zextên li ser Tirkiyeyê ve, rê li ber êrîşên bi vî rengî bigrin.

Weke Partiya Sosyalîst a Kurdistanê (PSK) em êrîşa Tirkiyê ya vê dawiyê ya li ser Kobanê şermezar dikin û bang li hikûmeta Tirkiyê dikin ku demildest êrîşên xwe rawestîne. Em tekez dikin ku dewleta Tirk bi hêzên siyasî yên Başûrêrojavayê Kurdistanê re têkiliyên fermî ava bike, ev tekiliyê wê xizmeta aştiya herêmê bike.

Bi vê munasebetê em wek PSK careke din bang li Encûmena Niştimanî ya Kurd li Sûriyê (ENKS), Partiya Yekîtiya Niştimaniya Kurdistanê (PYNK) û hemû hêzên Kurdistanî yên welatparêz dikin û ji wan dixwazin, ku li dora daxwazên neteweyî kom bibin, daku di ava kirina Suriyeyê nû da karigertir bin.

18 Adar 2025

Partiya Sosyalîst a Kurdistanê (PSK)

Ofîsa Çapemeniyê

İçerik Başlıkları

8ê Aderê Roja Jinan ya Cîhanî Pîroz be…

Îro 8ê Adarê Roja Jinan ya Cîhani ye.

8ê Adarê; li seranserê dinyayê ji aliyê jinan ve bê cudahiya çîn, nijad û reng wek roja yekitî, piştevanî û têkoşanê tê pîrozkirin. Jin li qadan; balê dikêşin ser kêşeya jinê, li hember têgeha serdestiya mêr daxwaza mafên xwe bi dengek bilind dikin.

Me jinên Kurd mîratê şêrejinên Kurd yên di dîroka xwe da wergirtiye, bi boneya 8ê Adarê Roja Jinan ya Cîhanî carek dî daxwaza mafên xwe yên neteweyî, çînayetî û regezî dikin. Li her qada ku em lêbin; li kêleka rubirubûna tund û tûjiya têgeha mêrsalarî tund û tûjiya bi destê dewletê tê birêvebirin jî em teşîr dikin û emê berdewam bikin.

Em jinên Kurd; dibêjin êdî bese milîtarize kirina Kurdistanê, operasyonên leşkeri, bûhabûn, bêkarî û her cureyê politikayên tepeseriyê .

Îro 8ê Adarê em roja jinan carek dî daxwaza perwerdeya bi zimanê zikmakî dikin ku mafek rewa yê jina Kurd e. Zimanê kurdî hem bibe zimanê perwerdeyê hem jî wek zimanê fermî bê qebûlkirin. Em pejirandina statuyek netewi bo gelê kurd wek mafek rewa û gerdunî dibînin.

8ê Adarê roja jinan de; li hember tund û tujiyê, xizaniyê, destdirêjiyê, deshilata mêr û hemî cure zilm û zordariyê emê têbikoşin. Bi balkêşana kêşeya jinê, bi şiara cîhanek wekhev emê têkoşana jinê gûr bikin.

Bi xemek mezin ve em 8 ê Adarê; ji ber erdheja ku li bajarên kurdan dayî bi dilek kiz û şikestî pêşwazî dikin. Li dehan bajarên me bi deh hezaran însanên me bûn qurbanî. Erdhej wek afetek xwezayî, di encama politikayên qirêj yên otoriter û dijayetiya Kurdan veguherî felaketek mezin. Li herêmên erdhejê serbarê rewşa xirab û mexdûriya gelê me trajediya bi serê zarok û jinan hatî dilê me dax dike.

Serê gelê me sax be. Jibo pêçana birînan û ji nû ve avakirina jiyanek bi ewle bi hemî îmkanên xwe emê li nik gelê xwe bin.

Bijî têkoşana bi rêxistinî ya jina Kurd.

8ê Adarê Roja Jinan ya Cîhanî pîroz be.

08.03.2023

Baskê Jinan yê

Partiya Sosyalista Kurdistanê

(PSK)

İçerik Başlıkları

En çok Okunan İçerik

Yorum Yaz