PSK-Partiya Sosyalîst a Kurdistan

» Gündem
» Basın Açıklamaları

Komara Kurdistan Riya Me Ronî Dike

2ê Rêbendan (22ê Kanuna Paşîn) Roja ragihandina Komara Kurdistan li Mehabadê ye.

79 sal berê niha, di 2ê Rêbendana sala 1946an da, li bajarê Mehabadê a Rojhilata Kurdistanê, Komara Kurdistan ji aliyê Serokê Hizba Demokrata Kurdistana Îranê (HDK-Î) Pêşawa Qazî Mehemmed ve, hate ragihandin.

Bi ragihandina Komara Kurdistanê ve gelê Kurd gihiştiye armanca xwe ya dirokî, ku bi salan bo vê kar û xebat kiriye û dike, bi dehan hezar keç û xortên Kurd bona vê armancê bûne cangorî û dibin.

Belê temenê Komara Kurdistan kurt bû û di navçeyekê sinordarkirî da desthilatdar bû.

Lê belê bi armanc û kar û kiryarên xwe ve veçerxeneka dirokî bû di xebata azadiya Kurdistanê da.

Belê Komara Kurdistan li Mehabadê hate ragihandinê, lê belê ew Komara hemu Kurdan bû. Hemu rêxistin û kesayetî û minewerên Kurdên seranserê Kurdistanê wê Komara xwe, Pêşawa jî serokê xwe zanî, lê xudan derket û pişgirî kir.

Komara Kurdistan nişanderê armanca bingehin a bizava azadiya Kurdistanê bû; îro jî usa ye.

Ruh û viyana Komar îro jî rêka me ronî dike.

Gelê Kurd li seranserê Kurdistanê bona bi destxistina armanc û deskevtiyên Komarê kar û xebat dikin.

Îro gelê kurd ji her demê pirtir hewcedarî giyana Komar e.

Baştirin şiweyê pîroz kirina Komara Kurdistanê, bona bi dest xistina armancên wêye, kar û xebat kirin bi giyanê wê ye.

Em di 79 salvegera Komara Kurdistanê da banga hemu hêzên welatparêz dikin, ku bi giyan û ruhê Komarê tevbigerin, hevkarî û yekitiya xwe pêkbinin daku, ji zirufa li bar a îro istifade bikin û armanca Pêşawa û hemu şehidên Kurdistanê bi dest xin.

Komara Kurdistan Pîroz Be.

21ê Kanuna Paşin a sala 2025

PSK-Partiya Sosyalîst a Kurdistan

İçerik Başlıkları

En çok Okunan İçerik

Yorum Yaz