Îro salvegera destpêka Komkujîya Dersimê ye. Di salvegera Komkujîya Dersimê de carekî din em bi bîr dixin ku dewleta dagirker di nav salên 1937- 1938 de li navça Dersimê û hawîr dora wê li dijî Gelê Kurd komkujîyekî pêkanî.
Îro êdî eşkere ye dewleta dagirker a Tirk di wê dema komkujîyê de çekên kîmyawî jî bi kar anîye. Hîn der-dor dibêjin ku dema komkujî pêk hat Mustafa Kemal jê haydar nebûye. Lê ev ne rast e, Mustafa Kemalê ji wê tawanê xilaskirinek e.
Serdema komkujî ya Dersimê de Mustafa Kemal Serokkomar e û Celal Bayar jî Serok wezîr e. Vê carê pirs ev e; çawan dibe komkujîyekî weha mezin pêk were û Serokkomar jê haydar nebe?
Kî çi dibêje bila bêje fermana komkujîya Dersimê jî wek dema serhildana sala 1925êyî, Mustafa Kemal bi xwe daye.
Em wek Partîya Sosyalîst a Kurdistan, Dewleta dagirker a Tirkîyê di vê roja salvegera Komkujîya li Dersimê carekî din bi tundî şermezar dikin û di şexsê Nemir Seyîd Riza de, hemû cangorîyên wê komkujiyê bi gîramî bi bîr tînin û bejna xwe li ber wan ditevînin.
Tekoşîna doza azadîya Kurdistanê bê navber berdewam e.
Gelê Kurd dur an nêzîk wê serbikeve,
15.06.2024
Buroya Çapemenîyê a
Partiya Sosyalîsta Kurdistan-PSK
PSK, Özgürlük Yolunda 50. Yılına Girdi Aynı coşku, umut, cesaret ve yıkılmaz inançla haklı mücadelemiz devam ediyor.
PSKê Di Rîya Azadîyê da Bû 50 Salî Bi heman kelecan, hêvî, cesaret û bawerî têkoşana me berdewam dike
Mam Celal Talabanî Her Zindîye Partiya Sosyalîst a Kurdistan © 2022