RIHÊ ŞOREŞGERÎYA 1 Ê GÛLANÊ RÎYA
ME RONAHÎ DIKE
1 Gûlan Roja yekîtî, tekoşîn û
piştgirîya kedkarên dinê ye.
1 Gûlan remz û nîşana berxwedana
qada bindest e, li hember hemû zilm û zordarîyan.
Karker û kedkarên hemû dinê, jin û
ciwanên hemû welatan di roja yekê Gûlanê de ji bo pêşerojekî serfiraz û
wekhevî, hêza xwe yek dikin û ala tekoşînê bi hev re bilind dikin.
Her weha li Tirkîye, ji bo gelê me
û hêzên demokrasîxwazan roja 1 Gûlanê, roja tekoşînê ye li dijî zordarîyan, li
dijî şovenizmê, şer û pevçûnê.
Divê serdema me ya îroyîn de,
mîrovahî ji bo azadî û demokrasîyê bi
gavên mezin ber bi pêşve dimeşe, lê li Tirkîyê bi dehan milyon kes li jêr
sînorê birçîtîyê di nav feqîr û belengazîyê
de debara xwe dikin.
Bi milyonan kes di nav şert û
mercên xirab de, ji pêşeroja xwe bê hêvî û gûman, ji hemû mafên mîrovahî bê par
in. Jin, di bin tehdît û zordarîyekî dubendîyê da ne, ciwan ji pêşerojê bê hêvî
ne. Civak daxwaza wekhevî, azadî û edlayîyê dike.
Gelê Kurd ku jimara wî li dor 30
mîlyonî ye, hîn jî, ji mafê xwe yê neteweyî û demokrati bêpar e. Ew nikare bi
zimanê xwe yê şêrîn perwerde bibe. Nasnama wî
di qanun û destura bingehînde cîh nine. Hemû daxwazên wî yên azadîyê û
demokrasîyê bi tund û tujî tên pelixandin.
Di van herc û mercan de giringîya
rihê 1 Gûlanê û rihê wê yê şoreşgerî hîn
baştir dertê holê.
Ji bo azadî, demokrasî û wekhevî ya
daxwazên Gelê Kurd,
Ji bo daxwazên karkeran, jinan, ciwanan
kû daxwazên mafên perwerdê, destxistina kar û mafê jîyanek bi rûmet dikin,
Ji bo pêşerojeke azad, dadmend û
ewle bo her kesî,
Werin em hemû bi hev re dakevin
qadên 1 ê Gûlanê.
Werin em di vê 1ê Gûlanê de carekî
din bidin zanîn kû destxistina azadîyê bi tekoşînekî hevpar mumkun e.
Bijî yekîtî, hevkarî û tekoşîna
Gelê Kurd û hemû bindestan.
BIJÎ 1 GÛLAN
01.05.2023
Partîya Sosyalist a Kurdistan
(PSK)
PSK: Heta Pirsa Kurd Bi Rîyekî Edlayî Çareser Nebe, Ne Dê Nan Hebe Ne Jî Aramî
PSK: Kürt Meselesi Adil Çözüme Kavuşturulmadan Ekmek de Yok İstikrar da Partiya Sosyalîst a Kurdistan © 2022