Di sala 2025 an de, di meha Sibatê de dîsa wexta hilbijartina dersên bijarte ye. Bi vê boneye em jî weke Platforma Zimanê Kurdî daxwazin ku şagirtên Kurdan zimanê xwe hilbijêrin. Helwesta Kurdan di pirsa mafê zimanê Kurdî de bi rastî gelekî giring e. Bila zarokên me tucaran bêzimanê Kurdî neminin. Zarokên me bila xwe bi zimanê xwe pênase bikin. Dayîk û bavên ku dixwazin dikarin zimanê Kurdî hilbijêrin. Ev jî çawa be mafek e.Divê Kurd bi hemû awayan xwedî li mafê perwerdehîyê bi zimanê Kurdî derkevin. Dersa bijartê tenê gava pêşî yê, helwesteke, derfeteke. Lê ev tucaran jî têr nake. Armanca me ya sereke hilbet fermîbûn û perwerdehî bi zimanê Kurdî ye. Ev maf divê ji alîyê hemû Kurdan de bi hişmendî were parastin.
Rewşa siyasî li bakurê welatê me îro hatiye guhertin. Siyaseta erdnigariya me, di rewşa şênber de tiştên nû niqaş dike. Me jı weke Platforma Zimanê Kurdî her tim daxwaz kiriyê ku zimanê Kurdî jı qreşan bigirin heta zanîngehan bibe zimanê perwerdehîyê û fermî. Di Qanûna Bingehîn de Zimanê Kurdî divê were pejirandin. Di vê mijarê de çiqasi zor û zehmetî hebe jî, divê Kurd xwedî li mafê perwerdehîyê bi zimanê Kurdî derkevin. Divê em weke Kurd hevbeş mafê perwerdehîyê bi zimanê Kurdî derxînin pêş. Zimanê xwe divê em bi hişmendî hilbijêrin û zimanê xwe weke nasnama xwe jî biparêzin. Bila baş were zanîn ku rûmet û nasnama Kurdan di zimanê Kurdî de veşartîye! Berdewamîya Netewa Kurd jî dîsa di perwerdehîyê bi zimanê Kurdî re derbas dibe!
Gelî Kurdan! Di mala xwe de, li kolan û bazaran bi Kurdî bi axivin. Sîyasetê bi Kurdi bikin! Şahî û xemên xwe bi Kurdî bînin ziman! Zimanê Kurdi bila di civaka Kurdan de her gav zindî be. Em Kurd di hemû qadên civakê de divê bi şanazî xwedî li zimanê xwe derkevin!
Banga me ji hemû partîyên sîyasî, sazîyên sivîl, medya Kurdî, rewşenbîr û hunermendan re ev e; Her kes ji alîyê xwe de bila xwedî li zimanê Kurdî derkevin. Bila hergav pirsa ziman di rojeva me de be. Em bi hevdû re hişmendiya zimanê Kurdî di civaka xwe de bilind bikin. Dîsa her gav em bi xwe bi xwe hewl bidin ku bi derfetên xwe jî zimanê xwe fêrbibin. Zimanê xwe di çalakîyan de bikarbînin. Pirsa zimanê Kurdî bikin pîvanekî siyasî û civakî. Di pirsa ziman de em bi hişmendî û hestyarî tevger bikin. Em bi hevdû re ji bona zimanê Kurdî kar bikin, hevbeş bibin, xwe bidin ser hev. Platforma Zimanê Kurdî dibêje; Em Kurd in, zimanê me Kurdî ye û welatê me jî Kurdistan e! Bila vê rastiyê her kes bizani be!!
Platforma Zimanê Kurdî.
Amed. Sibat. 2025.
PSK; Komkujîya Elewiyan li Sûriyê Rawestînin!
PSK; Suriye’de Alevilere Yapılan Katliam Durdurulsun! 
PSK; 8 Mart Dünya Kadınlar Günü Kutlu Olsun
PSK; Roja Jinan a Cîhanî 8ê Adarê Pîroz Be
Heyeta Hevbeş a PSK, PWK û HAKPARê bi Serok Barzani ra civîyan
PIRSGIRÊKA KURD TENÊ BI NASKIRINA MAFÊN NETEWÎ YÊN GELÊ KURD ÇARESER DIBE
KÜRT MESELESİ KÜRT HALKININ ULUSAL HAKLARININ TANINMASIYLA ÇÖZÜLEBİLİR ANCAK
Daxuyaniya Civîna Serkirdetiya Forûma Çep a Kurdistanê
Ji Kurdan Re Her Roj 21 ê Sibatê Ye…
HDK’ye Yönelik Operasyon Kabul Edilemez! Partiya Sosyalîst a Kurdistan © 2022