Helwesta xwedî lê derketina zimanê Kurdî, helwestekî welatperwerî û mîrovayetî ye.
Roja 21ê Sibatê, ”Roja zimanê dayikê ya navneteweyî“ ye. Vê rojê di 17.11 1999 de ji hêla UNESCO vê hat pejrandin û îlan kirin. Bê gûman îlankirin û pejirandina vê rojê ji bo zimanê dayikê girîng e, bo me Kurdan girîngîya wê hin zêdetir bi bandor e.
Wek em dizanin, ji roja damezirandina Komara Tirkîyê heta îro, zêdetir sed sal in li welatê me, li Bakurê Kurdistanê gelek nirxên me yên neteweyî hatin qedexekirin. Di serî de jî zimanê Kurdî hat qedexekirin.
Li Kurdistanê ji ber karanîna zimanê kurdî, di warê axaftin, nivisandin, xwendin û çapkirina bi zimanê kurdî, bi hezaran kes hatin darizandin, cezayên giran girtin, hepis û zindan razan. Dem hat bi kurdî ”fîskandin” jî hat qedexekirin, bû sedemê seza girtinê. Ji ber ku dijminên zimanê Kurdî baş dizanin dema zimanê miletekî were qedexekirin û ji milet were ji bîr kirin, êdî ew milet jî namîne.
Çi heyfekê mezin, dema me ya îro de, li Bakurê welatê me de gelê me li hember xeterîyekî bi vî awayî ye.
Em jî bi minasebeta vê roja girîng ji bo xwedî lê derketina zimanê Kurdî, bang li gelê xwe dikin; dibêjin di hemî warê jîyanê de bi zimanê xwe, kurmancî û zazakî bi karbînin. Her weha bang li dewletê û sazî û dezgehên navneteweyî jî dikin. Divê astengîyên li ser zimanê kurdî were rakirin, zimanê kurdî di hemî qonaxên perwerdeyîyê de, bibe zimanê perwerdeyîyê, her weha li herêma Kurdistanê kurdî bibe zimanê fermî.
Divê sazî û dezgehên navneteweyî, li ser esasên peyman û zagonên navneteweyî rê nedin zimanê mileteki were windakirin, her weha zextê deynin ser dewletê ku qedexe û astengên li ser zimanê kurdî rabike.
Em wek PSK didin xwîya kirin kû, zimanê kurdî; sîyaseta me, bîr û bawerîya me, ol û mezhebê me, cinsîyeta me, partî û sazîyên me çi dibin bila bibin, zimanê me hemûyan e. Ji bo vê yekê jî divê em hemû bihev ra derbarê zimanê xwe de xwedî yek helwest bin û li zimanê xwe xwedî derkevin. Vê helwesta giring nekin qurbana bîr û rêçûnên sîyasî an jî armancên teng nezerîya hizbayetî.
Em wek PSK qedir û rûmetekî mezin didin, xebata xwedî lê derketina zimanê Kurdî. Ji bo vî jî em bangê dayik û bavê zarokan dikin ku di mala xwe de, bi zarokên xwe re kurdî biaxifin, di dibistanan de dersa zimanê kurdî ji bo zarokên xwe hilbijêrin.
Hevwelatîyên me divê di qada dîasporayê de jî, di karên diplomasîyê de xeterîya li ser zimanê kurdi bixin rojevê û ji bo peydakirina lobîyekî bi bandor kar û xebat bikin.
Zimanê me hebûna me ye!
Li hemû derê jîyanê Kurdî bifikir, kurdî biaxife!
19.02.2025
Partîya Sosyalîst a Kurdistan
(PSK)
Kürdistan Şehidi Qazî Muhammed ve Arkadaşlarını Saygıyla Anıyoruz
Mansur Yavaş’ı Kınıyoruz
Divê Girtina Bê Huquqî Bê Rawestandin û İmamoglu Were Berdan
Keyfi Tutuklamalara Son Verilmeli, İmamoğlu Serbest Bırakılmalıdır
DI QADA ŞÊX SEÎD DA NEWROZ HAT PÎROZKIRIN 
Girtin û Binçavkirina Muxalefetê: Derbeyek Giran Li Ser Demokrasiyê
Muhalefete Yönelik Gözaltılar: Demokrasiye Vurulan Ağır Darbe
Êrîşên Tirkiyê yên li ser Başûrêrojavayê Kurdistanê didomin
Türkiye’nin Güneybatı Kürdistan’a Yönelik Saldırıları Devam Ediyor
PSK: SİLAHLAR SUSSUN, KÜRT HALKININ ULUSAL HAKLARI TANINSIN Partiya Sosyalîst a Kurdistan © 2022